Birodar turing masjidga boramiz (she'r)
Ko'zimizni ochdik erta tong-sahar
Shukronlar aytib asta turamiz
Axir bu hol emas boqiy, har safar
Birodar,turing masjidga boramiz.
G'aflatda qolmasdan ko'zni ochaylik
Shaytoning makridan tezroq qochaylik
Bismillah aytib tahorat olamiz
Birodar,turing masjidga boramiz.
Bomdodni unutib uxlasak gar biz
Murdalardan bormi ayting farqimiz?
Bu dunyoda yana qancha qolamiz?
Birodar,turing masjidga boramiz.
Oyoq-qo'l butundir Allohga shukur
Sog'miz, yura olamiz, emasmiz bukur
Alloh roziligi yo'lida tobora biz
Birodar,turing masjidga boramiz
"As-solatu xoyrun mina'n-navm"
Muazzin shunday aytganida ham
Masjidga bormasdan bormi choramiz
Birodar, ,turing masjidga boramiz.
Hozir o'zimiz masjidga bormasak
Allohning baytiga qadam bosmasak
Tobut ichida chorasiz qolamiz
Birodar,turing masjidga boramiz
Masjidning fayzidan rohat olar jon
Jamoat-la o'qish bu baxt har qachon
Yuring, ulkan baxttan bahra olamiz
Birodar,turing masjidga boramiz